Þriðjudagur, 17. nóvember 2026
Forsíða
Fréttir

Líflegt og ánægjulegt vor hjá Lionsklúbbnum Úu

2 mín. lestur
Facebook

Plokkað við Hlégarð

 

Lionsklúbburinn Úa hefur átt annasamt og skemmtilegt vormisseri þar sem félagsstarf, fræðsla og samfélagsverkefni hafa verið í forgrunni.

Félagar hittast jafnan tvisvar í mánuði, annars vegar á formlegum fundum og hins vegar á útivistarfundum þar sem áhersla er lögð á samveru og fjölbreytta dagskrá.

Fjölbreyttir útivistarfundir

Á útivistarfundum hafa félagar meðal annars heimsótt listamenn og hönnuði, farið í keilu og notið góðra stunda saman.

Á reglulegum fundum hafa fyrirlesarar úr ýmsum geirum samfélagsins komið í heimsókn og miðlað reynslu sinni og þekkingu.

Sameiginlegur fundur með Lionsklúbbnum Eik

Eitt af því sem stóð upp úr á vormisserinu var heimsókn Lionsklúbbsins Eikar.

Klúbbarnir funduðu saman og áttu ánægjulega samveru þar sem félagar skiptust á hugmyndum og reynslu af Lionsstarfinu.

Tóku þátt í plokkdegi

Í tengslum við umhverfisviku Lions og hreinsunarviku Mosfellsbæjar tóku Úukonur þátt í plokkdegi og hreinsuðu svæðið í kringum Hlégarð.

Þar reyndist af nægu að taka og lögðu félagar sitt af mörkum til að gera nærumhverfið hreinna og snyrtilegra.

Nýir félagar með formanni og meðmælendum

Nýir félagar og viðurkenning

Á lokafundi vorsins voru þrír nýir félagar teknir inn í klúbbinn.

Jafnframt hlaut einn félagi Melvin Jones-viðurkenningu fyrir framlag sitt til Lionshreyfingarinnar.

Vorferð í Borgarfjörð

Vorferð klúbbsins var farin um miðjan maí, að þessu sinni í Borgarfjörð.

Meðal viðkomustaða voru Akranes, Háfell, Kaffi Kyrrð í Borgarnesi og Hraunsnef þar sem deginum lauk með sameiginlegum kvöldverði.

Sóttu Lionsþing á Laugarvatni

Fjórar konur úr klúbbnum sóttu einnig Lionsþing á Laugarvatni í lok maí.

Með því lauk viðburðaríku og ánægjulegu vormisseri hjá Lionsklúbbnum Úu, sem einkenndist af öflugu félagsstarfi, fræðslu og samfélagslegri þátttöku.

Birt í Mosfellingi 2. júlí 2026.