Þriðjudagur, 17. nóvember 2026
Forsíða
Íþróttir

Hrannar Guðmundsson og Ingimundur Ingimundarson ráðnir þjálfarar Aftureldingar

2 mín. lestur
Facebook

Nýtt þjálfarateymi mætt til leiks

Handknattleiksdeild Aftureldingar hefur ráðið þá Hrannar Guðmundsson og Ingimund Ingimundarson sem þjálfara meistaraflokks karla í handbolta.

Hrannar snýr heim

Hrannar er Mosfellingum að góðu kunnur. Hann er uppalinn hjá Aftureldingu, lék með öllum yngri flokkum félagsins og steig sín fyrstu skref í þjálfun í Mosfellsbæ.

Undanfarin ár hefur hann byggt upp öflugan þjálfaraferil. Hann hefur starfað sem aðstoðarþjálfari meistaraflokks karla hjá Aftureldingu og ÍR, auk þess að hafa verið aðalþjálfari meistaraflokks karla og kvenna hjá Stjörnunni.

Þá er Hrannar einnig hluti af þjálfarateymi A-landsliðs karla.

Mikil reynsla í þjálfarateymið

Ingimundur Ingimundarson kemur inn í þjálfarateymið með Hrannari og færir félaginu mikla reynslu og þekkingu.

Hann var lykilmaður í einu sigursælasta landsliði Íslands frá upphafi, vann silfurverðlaun á Ólympíuleikunum árið 2008 og bronsverðlaun á Evrópumótinu árið 2010. Alls lék hann 123 A-landsleiki fyrir Ísland.

Sem atvinnumaður lék Ingimundur meðal annars í Sviss, Danmörku, Noregi og Þýskalandi. Hann var síðar hluti af þjálfarateymi Akureyrar á árunum 2016–2018 og hefur síðan sinnt þjálfun yngri flokka með góðum árangri, síðast hjá Val.

Metnaðarfullt þjálfarateymi

Í tilkynningu frá Aftureldingu segir að ráðning þeirra sé mikið fagnaðarefni.

„Það verður frábært að fá Hrannar og Ingimund í þjálfarateymi Aftureldingar. Hrannar þekkir félagið, menninguna og umhverfið í Mosfellsbæ út og inn, á meðan reynsla og þekking Ingimundar mun nýtast félaginu afar vel, ekki síst í áframhaldandi þróun ungra og efnilegra leikmanna Aftureldingar.“

Þá segir jafnframt í tilkynningunni:

„Saman mynda þeir metnaðarfullt og öflugt þjálfarateymi sem mun leiða meistaraflokk karla inn í spennandi framtíð og áframhaldandi uppbyggingu á meðal fremstu liða landsins.“

Birt í Mosfellingi 2. júlí 2026.